14012

को-86032 चे सुधारित व्हर्जन को- 14012(अवनी)

Co 14012 (अवनी ) ही उच्च प्रतीची, मध्यम-परिपक्वता असणारी उसाची जात आहे. ही भारताच्या दक्षिणेकडील प्रदेशातील लागवडीसाठी योग्य उसाची जात आहे. हि जात आंध्र प्रदेश, गुजरात, कर्नाटक, केरळ, महाराष्ट्र, मध्य प्रदेश,तमिळनाडू आणि तेलंगणा या राज्यात लागवडीसाठी शिफारशीत आहे.

ही जात उच्च उत्पादन देणारी असून ती Co 86032 व Co 86011 यांच्या संकरण आणि निवड प्रक्रियेद्वारे कोयंबत्तूर येथील ICAR- ऊस प्रजनन संस्थेमध्ये (SBI) विकसित करण्यात आली आहे.

Co 14012 च्या दक्षिणेकडील क्षेत्रात अखिल भारतीय समन्वित ऊस संशोधन कार्यक्रम (AICRP) अंतर्गत तमिळनाडूमध्ये वेगवेगळ्या कारखान्याच्या कार्यक्षेत्रात तसेच शेतकऱ्यांच्या शेतात चाचणी घेण्यात आल्या आहेत . या चाचण्यांमध्ये Co 14012 ने त्याच्या मातृजात Co 86032 पेक्षा साखरेच्या उताऱ्यात तसेच रेड रॉट रोगाच्या प्रतिकारक्षमतेमध्ये चांगली सुधारणा दाखवली आहे .

● Co 14012 बद्दल संक्षिप्त माहिती

* वंशज: Co 86032 x Co 86011

* परिपक्वता: मध्यम परिपक्वता

* लागवड क्षेत्र: दक्षिणेकडील प्रदेश

* ऊस उत्पादन: 115.81 टन/हेक्टर

* साखरेचे उत्पादन: 16.87 टन/हेक्टर

● विशेष वैशिष्ट्ये

* उच्च उत्पादन देणारी आणि साखरेच्या उत्पादन अधिक देणारी जात

* 12 महिन्यांपासून तोडणीसाठी योग्य होते. आडसाली हंगामासाठी योग्य

* उंच, आकर्षक, योग्य जाडी , लवकर वाढणारी तसेच शेतात उत्कृष्ट स्टॅन्ड असणारी जात

* दुष्काळ सहनशील आणि रेड रॉट रोगास मध्यम प्रतिकारक्षम असणारी जात

* या जातीस फुटवा चांगला होतो

* गोल्डन रंगाचा गूळ देणारी जात

* ऊस लोळण्याचे प्रमाण अत्यल्प आहे

* तुरा न येणारी जात

टीप- सदरची जात आपल्या गन्ना मास्टर संशोधन प्रक्षेत्रावर पाहायला मिळेल. या जातीची रोपे 2025 हंगामात शेतकऱ्यांना उपलब्ध होतील.